Tananim emocijama koje je dočarala vrhunskim umijećem „a capella” pjevanja, muška klapa „Sinj” osvojila je publiku u kotorskoj dvorani Crkve Sv. Duha, gdje su nakon dugih toplih aplauza, izveli još jednu pjesmu na bis. Gosti su im bile dječja klapa „Marineri” iz Kotora i ženska klapa „Bellezza” iz Tivta. Klapa „Sinj” postoji 37 godina, pet pjevača je od samog početka, a u novom sastavu nastupili su
Frano Filipović-Grčić, prvi tenor,
Vinko Šarić, drugi tenor,
Stipe Breko (četvorostruki laureat „Sinjske alke”), baritoni
Boris Žanko, Mario Đidara, Mojmir Čačija, a u bas dionici -
Ivan Milun, Ante Milun i
Ivica Mastelić. Izveli su izvornu dalmatinsku pjesmu, jer im je težište da njeguju svoju kulturnu tradiciju, zaštićenu Uneskom, ali i neke popularne kompozicije obrađene za klapsko izvođenje.
Članovi klape imaju tu sreću da je sa njima i maestro
Mojmir Čačija, kompozitor i dirigent, koji na licu mjesta stvara vrhunske aranžmane.
– Dobro razmislimo tome koju pjesmu dati klapi, ne može svaka klapa pjevati sve pjesme, treba izabrati repertoar i da se unesete u tu pjesmu, to je bitno. Treba imati glasnicu, prvi tenor pogotovo, a ostali moraju biti dobri „sluhisti”, to je garancija uspjeha, ali bez truda i znoja nema velikog uspjeha. Danas u Hrvatskoj postoji oko 500 klapa, to je velika stvar za našu klapsku porodicu, ali samo oni koji imaju dobar glas i sluh za „a kapela” pjevanje, samo ti uspijevaju, kaže Čačija i dodaje da su oduševljeni prijemom u Podgorici, gdje su nastupili prethodni dan.
Klapska pjesma prihvaćena je svuda u svijetu, a posebno među ljudima koji se bave muzikom. Nastupaju pred stručnom publikom, koja zna da cijeni ovu umjetnost, te su iz svijeta donijeli nekoliko nagrada, sve zlatne medalje sa raznih međunarodnih takmičenja. Nedavno su održali turneju po Americi gdje su ih slušali članovi američkih horova. M.D.P
Komentari
Komentari se objavljuju sa zadrškom.
Zabranjen je govor mržnje, psovanje, vrijedjanje i klevetanje. Nedozvoljen sadržaj neće biti objavljen.
Prijavite neprikladan komentar našem
MODERATORU.
Ukoliko smatrate da se u ovom članku krši Kodeks novinara, prijavite našem
Ombudsmanu.
)){kind=small}
